08, ოქტომბერი 2020 17:20:00
ბათუმის სამშობიარო სახლში კორონავირუსით ინფიცირებული ქალს ნაყოფი დაეღუპა. 26 კვირის ორსული გუშინ ამშობიარეს. კლინიკის დირექტორის თქმით, ქალი სამედიცინო დაწესებულებაში პირველ ოქტომბერს შეიყვანეს, მისი ჯანმრთელობის მდგომარეობა კი დამაკმაყოფილებელი იყო. ერთ-ერთი გეგმიური კვლევის დროს ნაყოფის გულისცემა არ ისმოდა, შემდეგ კი ფაქტი ექოსკოპიური კვლევითაც დადასტურდა. სამშობიარო სახლში სამედიცინო ექსპერტები იმყოფებიან, რის შედეგადაც უნდა დადგინდეს, თუ რა გახდა ნაყოფის დაღუპვის მიზეზი.