09, ოქტომბერი 2020 17:09:00
ქედაში, სოფელ გეგელიძეებში სარწყავი არხის რეაბილიტაცია დასრულდა. ათას ას მეტრზე მეტი სიგრძის სარწყავი არხი აჭარის სოფლის მეურნეობის სამინისტროს მიზნობრივი პროგრამის ,,სამელიორაციო სისტემების რეაბილიტაცია’’- ფარგლებში მოეწყო. რეაბილიტირებული არხი აჭარის სოფლის მეურნეობის მინისტრმა მოინახულა. როგორც გიორგი სურმანიძემ აღნიშნა, პროგრამის შედეგად, ჯამში 35 ჰექტარ სასოფლო-სამეურნეო მიწის ფართობზე გაუმჯობესდა სარწყავი წყლის მიწოდების რეჟიმი, რომლითაც 15 ოჯახი ისარგებლებს. პროექტის ღირებულება 76 130 ლარია.