საქართველოს ჯანდაცვის მინისტრის განცხადებით, დღეს ქვეყნის მასშტაბით 53 კრიტიკული პაციენტია და მათი რაოდენობა ინფიცირებულთა ზოგადი რაოდენობის პარალელურად იზრდება.
ეკატერინე ტიკარაძის თქმით, ისინი სხვადასხვა რეგიონში მკურნალობენ, თუმცა რეანიმატოლოგების მხრიდან მათზე ცენტრალიზებული მონიტორინგი ხორციელდება.
ამის შესახებ ჯანდაცვის მინისტრმა კორონავირუსთან დაკავშირებული უწყებათაშორისი საკოორდინაციო საბჭოს სხდომის დასრულების შემდეგ განაცხადა.
„აღსანიშნავია, რომ კრიტიკული პაციენტების რიცხვი მატულობს გამომდინარე იქედან, რომ ყოველდღიურად მატულობს ზოგადი პაციენტების რიცხვი და დღესდღეობით გვყავს 53 კრიტიკული პაციენტი. ისინი არიან განთავსებულები სხვადასხვა რეგიონში, თუმცა მნიშვნელოვანია აღინიშნოს ასევე ის, რომ ცენტრალიზებული მონიტორინგი რეანიმატოლოგების მხრიდან ხორციელდება და თქვენ იცით, რომ ჩვენ ჩამოვაყალიბეთ რეანიმატოლოგების კლინიკური ჯგუფი, რომელიც ცენტრალიზებულად მართავს ამ პაციენტებს, მისი მხრიდან ხდება ყველა საჭირო ღონისძიებისა და მკურნალობის ჩატარება, რომელიც ამ პაციენტებს ესაჭიროებათ და ის აქტიურად არის ჩართულები ამ პროცესში,“ - განაცხადა ტიკარაძემ.
5
s
s
s