15, ოქტომბერი 2020 16:09:00
ახალი ფსიქოაქტიური ნივთიერების უკანონო დამზადების და გასაღების ბრალდებით, ორი პირი დააკავეს. დაკავებულთაგან ერთი, წარსულში ნარკოდანაშაულისთვის ნასამართლევი და ამჟამად პირობითი მსჯავრის ქვეშ მყოფია. დაკავებულებმა ფსიქოაქტიური ნივთიერება ე.წ. „ბიო“, დაამზადეს, რომელიც 11 ოქტომბერს, გასაღების მიზნით, კონკრეტულ ლოკაციაზე განათავსეს. სამართალდაცავებმა ისინი სწორედ ამ ადგილზე აიყვანეს. ნივთმტიცებულებები თბილისის კიდევ რამდენიმე მისამართზე ამოიღეს. დანაშაული 7-დან 14 წლამდე თავისუფლების აღკვეთას ითვალისწინებს.