ბათუმის საჯარო სკოლის პედაგოგებს დღეს საქართველოს განათლებისა და მეცნიერების მინისტრი შეხვდა. ალექსანდრე ჯეჯელავამ მასწავლებლებთან უწყების ხედვებზე და სამომავლო გეგმებზე ისაუბრა. მან ყურადღება ზოგადი განათლების სისტემაში განსახორციელებელ სიახლეებზე გამახვილდა. ჯეჯელავამ განმარტა, რომ ყველა ცვლილება მოსწავლეზე და პედაგოგზე იქნება ორიენტირებული.
ალექსანდრე ჯეჯელავამ პედაგოგიური უნარების გამოცდის დაბრუნების აუცილებლობაზეც ისაუბრა, რომელსაც მთავრობა სამშაბათს ჩანიშნულ სხდომაზე დაამტკიცებს. მინისტრის თქმით, სქემა არ გამარტივებულა და გამოცდა უფრო მრავალფეროვანი გახდება. შესაბამისი კრედიტების დაგროვების შედეგად კი პედაგოგს უფროსი მასწავლებლის სტატუსი მიენიჭება, რაც ანაზღაურებაზე დადებითად იმოქმედებს.
მინისტრთან შეხვედრისას კითხვა მხოლოდ ერთმა პედაგოგმა დასვა. მე-14 საჯარო სკოლის მასწავლებელმა მინისტრს ჰკითხა:
აჭარის განათლების, კულტურისა და სპორტის მინისტრი იმედოვნებს, რომ მსგავს ფორმატში შეხვედრები სამომავლოდაც გაგრძელდება. ინგა შამილიშვილმა განაცხადა, რომ მცირეკონტიგენტიან სკოლებს განსაკუთრებული ყურადღება მიექცევა, რადგან მთამ პედაგოგი და მოსწავლე უნდა შეინარჩუნოს.
შეხვედრის დასრულების შემდეგ ალექსანდრე ჯეჯელავას ხედვები პედაგოგებმა დადებითად შეაფასეს.
ალექსანდრე ჯეჯელავას მიაჩნია, რომ სკოლაში სიმკაცრით არაფერი არ გამოვა. საქართველოს განათლებისა და მეცნიერების მინისტრის თქმით, საგანმანათლებლო დაწესებულებებს ისეთი პედაგოგები ჭირდება, რომლებიც სიმკაცრის და დაძალების გარეშე შეძლებენ, რომ ბავშვებმა აუცილებელი განათლება მიიღონ.
1
s
s
s