19, ოქტომბერი 2020 17:30:00
ვინ მიიღებს "ოცნების ქალაქში" მშენებარე კორპუსში ბინას, კრიტერიუმები განსაზღვრული დღემდე არ არის. თვითნებურად ჩასახლებულებს კი სურთ მოისმინონ პასუხი, ვის ერგება და ვის არა საცხოვრებელი სახელმწიფოსგან. მათ გუშინ აჭარის მთავრობის სახლთან საპროტესტო აქციაც გამართეს. აჭარის მთავრობის თავმჯდომარემ განცხადება დღეს გააკეთა. თქვა, რომ ბინას ყველა თვითნებურად დასახლებული ოჯახი მიიღებს. "ოცნების ქალაქში" 2000-მდე ოჯახი ცხოვრობს, სახელმწიფო კი ჯამში სამი კორპუსის აშენებას გეგმავს. სულ ათას 746 ბინა იქნება.