დაბა ოჩხამურში მცხოვრები ახალგაზრდები სპორტული მოედნის რეაბილიტაციას ითხოვენ. მოზარდებს ვარჯიში შეუსაბამო გარემოში უწევთ. ეს კი წლების განმავლობაში გრძელდება. ქობულეთის მერია დაპირებას არ ასრულებს. რატომ არ ითვალისწინებს ადგილობრივი ხელისუფლება ახალგაზრდების საჭირობებს? სალომე უსტალიშვილი გიამბობთ
ეს, სოფელ დაბა ოჩხამურში არსებული სპორტული მოედანია, თუმცა მას საფეხბურთო მოედანს მხოლოდ პირობითად თუ ვუწოდებთ. აქ არც ბუნებრივი საფარია და არც ხელოვნური, ამორტიზებულია რკინის კონტრუქციაც . ადგილობრივებმა დღეს პროტესტის ნიშნად აქცია გამართეს. ამბობენ, რომ ქობულეთის მერის მაისში გაცემული დაპირება, დღემდე შეუსრულებელია.
მოზარდები აქ ფეხბურთის სათამაშოდ ხშირად დადიან, თუმცა ამბობენ, რომ დაზიანებული ინფრასტრუქტურის გამო, ტრავმებს ხშირად იღებენ. არასებული ინფრასტრუქტურის გამო, სპორტულ გუნდი „რაკეტა“ მოედნის მიმდებარედ მინდორზე ვარჯიშობს.
აქციაზე ადგილობრივებმა კიდევ ერთი მოთხოვნა წამოაყენეს. სურთ, სოფელში არსებულ უფუნქციო შენობაში, დახურული სპორტდარბაზი მოეწყოს.
ქობულეთის მერიაში ისევ დაპირებას გასცემენ, ხოლო კითხვაზე თუ რატომ არ შესრულდა მიცემული პირობა ამ დრომდე, მერიის ინფრასტრუქტურის სამსახურში ასეთი პასუხი მივიღეთ.
იმ შემთხვევაში, თუ კი ქობულეთის მერია ადგილობრივებს გაცემულ პირობას წლის ბოლომდე არ შეუსრულებს, სოფელ ოჩხამურში მცხოვრებლები საპროტესტო აქციებს აანონსებენ.
1
s
s
s