მკვლელობა გურჯაანში. 55 წლის ქალი სასწრაფოს მისვლამდე შემთხვევის ადგილზევე გარდაიცვალა, მას ჭრილობა საკუთარმა მეუღლემ გულის არეში მიაყენა.
მეუღლის მოკვლის შემდეგ ზ. დ. ქუჩაში შეიარაღებული გავიდა და პირველივე შემხვედრი მეზობელი, საკუთარი სახლის ჭიშკართან მჯდომი კაციც მოკლა. 47 წლის კ. ს. ადგილზე გარდაიცვალა. დამნაშავემ ასევე კიდევ ორი ადამიანი დაჭრა. მათგან ერთ-ერთ მამაკაცს პირველადი დახმარება ჯერ რაიონულ კლინიკაში გაუწიეს, შემდგომი მკურნალობისთვის კი დედაქალაქში გადმოიყვანეს.
ადგილობრივებისთვის ორი პირის მკვლელობისა და ორი ადამიანის დაჭრის რეალური მოტივი უცნობია.
ზ.დ-მ ტრაგედიის ადგილიდან მიმალვა საკუთარი ავტომობილით სცადა. სამართალდამცველებმა კაცი ჩადენილი დანაშაულის შემდეგ რამდენიმე საათში დააკავეს. დამნაშავეს და გარდაცვლილ ქალს ორი შვილი ჰყავთ. ადგილობრივების ინფორმაციით, ერთ-ერთი მათგანი დღეს სასწავლებლად პოლონეთში გაემგზავრა.
წყარო: rusTavi2.ge
3
s
s
s