„ევროპული საქართველოს“ ერთ-ერთი ლიდერი აცხადებს, რომ დღევანდელი საარჩევნო სისტემა ბევრად უკეთესია, ვიდრე ადრე იყო.
„დღევანდელი სისტემა არის სწორედ უფრო სამართლიანი სისტემა, რომელიც ადამიანებს, მოსახლეობას საშუალებას აძლევს, მათი ხმა იყოს გაგონილი, მომავალი პარლამენტი და ხელისუფლება დაკომპლექტდეს საზოგადოების, ხალხის აზრის მიხედვით. ამიტომ, მაქვს წარმატების იმედი და ამიტომ ვფიქრობ, რომ დღეს ყველაფერი კარგად იქნება“, – თქვა დავით ბაქრაძემ.
ამასთან, ოპოზიციონერმა აღნიშნა, რომ საზოგადოების მუდმივ დაპირისპირებას დღევანდელი არჩევნები დაასრულებს.
„ერთ-ერთი ჩვენი ამოცანა გახლავთ სწორედ ის, რომ საქართველო იყოს დამშვიდებული, დაწყნარებული ქვეყანა, სადაც არ არის პოლიტიკური დევნა და ხელისუფლება ადამიანებს მუდმივად არ აშინებს არეულობით, გადატრიალებით.
ხვალიდან ყველა ვიცხოვრებთ დამშვიდებულ საქართველოში, სადაც ამოცანა იქნება სიღარიბის დაძლევა და ქვეყნის წინ წაყვანა და არა მუდმივად ერთმანეთთან დაპირისპირება, საქმეების აღძვრა განსხვავებულად მოაზროვნე ადამიანების წინააღმდეგ“, – განაცხადა ბაქრაძემ.
136
s
s
s