23, ივნისი 2017 14:08:00
ხულოში, ვაშლოვანის სოციალურ სახლში ბინების მისაღებად, ბენეფიციართა განაცხადების მიღება გრძელდება. ხულოს გამგებლის ინფორმაციით, გამგეობაში შექმნილმა სპეციალურმა კომისიამ პირველ ეტაპზე შესული განაცხადების განხილვა უკვე დაასრულა და შერჩეულია 57 ბენეფიციარი. რაც შეეხება დარჩენილ 15 ბინას, ბესიკ ბაუჩაძის განმარტებით, სტიქიის შედეგად დაზარალებულ ეკომიგრანტებს შეუძლიათ განცხადებით შესაბამის კომისიას 26 ივნისიდან 15 დღის განმავლობაში მიმართონ. ხულოში, სამი 72 ბინიანი საცხოვრებელი კომპლექსის მშენებლობისთვის 3 მილიონ 814 464 ლარი დაიხარჯა.