23, ნოემბერი 2020 17:30:00
2003 წლის ვარდების რევოლუციიდან 17 წელი გავიდა. 23 ნოემბერს, სხდომის მიმდინარეობისას, პარლამენტში საპროტესტო აქციის მონაწილეები შევიდნენ, რომლებმაც სხდომათა დარბაზი დაიკავეს და პრეზიდენტ ედუარდ შევარდნაძის გადადგომა მოითხოვეს. პარლამენტისა და სახელმწიფო კანცელარიის შენობების დაკავების შემდეგ, მომიტინგეები კრწანისის სამთავრობო რეზიდენციისკენ დაიძრნენ. ოპოზიციის ლიდერებთან შეხვედრის შემდეგ, ედუარდ შევარდნაძემ გადადგომის შესახებ განცხადება გააკეთა. რევოლუციას წინ უძღოდა 2003 წლის საპარლამენტო არჩევნების შედეგები, რომელსაც საზოგადოების ერთი ნაწილი გაყალბებულად მიიჩნევდა.