დაავადებათა კონტროლის ეროვნული ცენტრის ხელმძღვანელის განცხადებით, კორონავირუსის საწინააღმდეგო ვაქცინა ხელმისაწვდომი მომავალი წლის გაზაფხულიდან იქნება. ამირან გამყრელიძის განმარტებით, პირველ ეტაპზე ვაქცინაცია სამედიცინო პერსონალს ჩაუტარდება. მეორე რისჯგუფი კი იქნება ხანდაზმულები და ასევე ადამიანები, რომლებსაც სხვა თანხმლები დაავადებები აქვთ.
''აიცრებიან ადამიანები, რომლებსაც ფილტვის ობსტრუქციული დაავადებები აქვთ, ასევე გულსისძღღვთა სისტემით დაავადებულები. ეს ჯგუფები და ასევე განიხილება მოხუცთა თავშესაფრები და ა.შ. პირველ რიგში ყველა ქვეყანა მიმართავს სამედიცინო სფეროს წარმომადგენლების აცრას'' - განაცხადა გამყრელიძემ.
გამყრელიძის თქმით, საქართველოსთვის ხელმისაწვდომი ის ვაქცინა იქნება, რომელსაც დასტურს ჯანმრთელობის მსოფლიო ორგანიზაცია მიცემს.
''ჩვენ გაერთიანებული ვართ ფლატფორმაში, რომელიც მუშაობს ''გავიალიანსის'' ბაზაზე. ეს გახლავთ ვაქცინების გლობალური ალიანსი, რომელთანაც ჩვენი ქვეყანა 2001 წლიდან თანამშრომლობს. ეს ფლატფორმა შეისყიდის რამოდენიმე კომპანიის ვაქცინას, რომელსაც მარეგულირებლები დაამტკიცებენ - თქვა გამყრელიძემ.
33
s
s
s