24, ნოემბერი 2020 17:38:00
შეფასებისა და გამოცდების ეროვნული ცენტრი ღია კარის დღეების ელექტრონულ ფორმატში ჩატარებას იწყებს. ცენტრის წარმომადგენლები აბიტურიენტებს 2021 წლის ერთიანი ეროვნული გამოცდების შესახებ, დეტალურ ინფორმაციას მიაწვდიან. შეხვედრები Microsoft Teams-ის პროგრამის დახმარებით ჩატარდება. მოსწავლეები ონლაინ ღია კარის დღეებზე დასასწრებად რეგიონების მიხედვით განაწილდებიან. კონკრეტული თარიღის შესახებ ინფორმაციას კი სკოლებიდან და რესურსცენტრებიდან მიიღებენ.