04, დეკემბერი 2020 17:13:00
ზურა გირჩი ჯაფარიძე იაგო ხვიჩიასთან, ვახო მეგრელიშვილთან და ალექსანდრე რაქვიაშვილთან პარტიულ თანამშრომლობას აღარ აპირებს. ჯერჯერობით უცნობია, გაიყოფა თუ არა პარტია და ვინ რომელ მხარეს იქნება. იაგო ხვიჩია აცხადებს, რომ პარტიის დატოვებას არ აპირებს. იგი ჯაფარიძისგან მეტ განმარტებას ელოდება. რაც შეეხება ვახტანგ მეგრელიშვილს, იგი აცხადებს, რომ განხილვები მხოლოდ პარტიის შიდა მენეჯმენტის საკითხებს ეხებოდა. მეგრელიშვილი ამბობს, რომ პარტიის ლიდერი, საჯარო განცხადებების გაკეთებამდე მასთან შეთანხმებას ითხოვდა.