26, ივნისი 2017 20:06:00
ბათუმის მიწის აღიარების კომისია უკვე 7 თვეა უზენაესი სასამართლოს მიერ მიღებული გადაწყვეტილების შესრულებას თავს არიდებს. როგორც რუსუდან ჭიჭინაძე ამბობს, ოჯახის საკუთრების დაბრუნებას სახელმწიფოსთან ათწლიანი დავის და სასამართლოს მიერ სამ ინსტანციაში გამართლების მიუხედავად ვერ ახერხებს. კომისია მოქალაქეს იმ ეზოს არ ურეგისტრირებს, რომელიც მისმა წინაპარმა მე-19 საუკუნეში აუქციონით შეიძინა. არასამთავრობო ორგანიზაცია „საერთაშორისო გამჭვირვალობა საქართველოს“ წარმომადგენელი, რომელიც ჭიჭინაძეების ინტერესებს იცავს, სისხლის სამართლის დანაშაულზე საუბრობს.