27, ივნისი 2017 17:07:00
გიორგი ლოგუა პარლამენტის წინააღმდეგ. საქართველოს მოქალაქე სადავოდ პორნოგრაფიული მასალების უკანონო დამზადების, გავრცელების ან რეკლამირებისთვის დაწესებულ სისხლის სამართლებრივ პასუხისმგებლობას ხდის. წარმომადგენლები განმარტავენ, რომ საქართველოს კანონმდებლობა არ აზუსტებს, რა არის პორნოგრაფია, ან რა გზით არის შესაძლებელი ამგვარი ნაწარმოების კანონიერად დამზადება, გავრცელება, რეკლამირება, შენახვა ან ვაჭრობა, ამიტომ სისხლის პასუხისგებაში პირის მიცემა ზღუდავს ინფორმაციის და გამოხატვის თავისუფლების უფლებას. საქმეს პირველი კოლეგია განიხილავს. შეგახსნებთ, რომ 2015 წელს ინტერნეტ სივრცეში სექსუალური შინაარსის მასალის გავრცელებისთვის სისხლის სამართლის პასუხისგებაში 40 პირი მიეცა. აქედან საკონსტიტუციო სასამართლოს ოთხმა მიმართა. მათგან ერთის, ფუტკარაძის მიმართ პროკურატურამ სისხლის სამართლის მუხლით საქმისწარმოება შეწყვიტა, რადგან იგი ავტოკატასტროფისას გარდაიცვალა. დანარჩენებზე კი სასამართლო პროცესები ამ დრომდე გრძელდება.