27, ივნისი 2017 17:04:00
ყველისა და კარაქის მწარმოებლებისთვის 1 ივლისიდან ახალი რეგულაციები შედის ძალაში. ცვლილებების მიხედვით, დასახელება „ყველი“ შეიძლება გამოყენებული იყოს მხოლოდ იმ ნაწარმზე, რომელიც მზადდება რძისგან. დაუშვებელია რძის ფხვნილისგან დამზადებული ნაწარმის ეტიკეტზე ტერმინი „ყველის“ გამოყენება. ცვლილებები მთავრობის დადგენილებაში უკვე შევიდა. ბიზნესოპერატორი მოთხოვნების დაუკმაყოფილებლობის შემთხვევაში 400 ლარით დაჯარიმდება, განმეორებით, 1 წლის განმავლობაში ჩადენილი ქმედება კი 1200 ლარის ჯარიმას ითვალისწინებს. სურსათის ეროვნული სააგენტოში განმარტეს, რომ ცვლილების განხორციელება რძის ფხვნილის გამოყენებით ყველის მასიურმა წარმოებამ განაპირობა, რაც არაკონკურენტულ პირობებში აყენებდა ამ სფეროში დასაქმებულ ბიზნესოპერატორებს.