23, დეკემბერი 2020 17:49:00
„გემრიელი აჭარა“ - ასე ჰქვია აჭარული სამზარეულოს ახალ საიმიჯო ვიდეორგოლს, რომელიც ტურიზმის დეპარტამენტმა გადაიღო. მასში ლაზური, მთიანი აჭარისა და ქობულეთური სამზარეულოსთვის დამახასიათებელი ნაკლებად ცნობილი კერძები და დესერტებია წარმოჩენილი. გადაღებები, რეგიონის ტურისტულად მიმზიდველ ადგილებში, ცნობილი ქართველი შეფმზარეულების ჩართულობით შემოდგომაზე მიმდინარეობდა. დეპარტამენტმა, აჭარული კერძების მომზადების ვიდეოგაკვეთილები და ფოტორეცეპტებიც მოამზადა. დაინტერესებულ პირებს, მასალების ნახვა, სერვისების ახალ ონლაინ პლატფორმაზე, იანვრიდან შეეძლებათ.