15, იანვარი 2021 17:09:00
ისევ ფორმალური წასვლა ქართული პოლიტიკიდან თუ ოლიგარქის ჭეშმარიტი გადაწყვეტიელბა - როგორ აფასებენ პოლიტიკურ სუბიექტებში ბიძინა ივანიშვილის ოთხი დღის წინ გადადგმულ ნაბიჯს ამჯერად. რა შეიძლება შეიცვალოს ქართულ პოლიტიკურ რეალობაში, რა შანსები ეძლევა და ერთმევა მმართველ გუნდს და სრულიად ოპოზიციურ სპექტრს.
ოლიგარქი ივანიშვილი პოლიტრიკიდან დეკლარირებულად წავიდა, თუმცა ოპოზიციაში სწამთ და აცხადებენ, რომ "ქართული ოცნების" ამომრჩევლისთვის "ოცნება" ივანიშვილის გარეშე არ არსებობს. "ნაციონალურ მოძრაობაში" ეჭვი არ ეპარებათ, რომ ოლიგარქის გავლენის ქვეშ, ოცნების გუნდი მანამდე იქნება, ვიდრე ისინი ხელისუფლებიდან არ წავლენ. ხოლო მოქმედი ხელისუფალი რომ მმართველობას მალე დაასრულებს, ამის თმის საფუძველს, მათ ეკონომიკურთან ერთად მოახლოებული მძიმე პოლიტიკური კრიზისიც აძლევს.
ოლიგარქი ივანიშვილი ქართულ პოლიტიკას ოფიციალური განცხადებით ჩამოშორდა, თუმცა პარტია "მოქალაქეებში" გადაწყვეტილების ჭეშმარიტების არ სჯერათ. მიუხედავად ამისა, გიორგი მასალკინი ამბობს, რომ ივანიშვილის განცხადება, "ოცნების" დასუსტების საფუძველი მაინც გახდება, ამიტომ, ქუჩის პარალელურად, გაერთიანებულმა ოპოზიციამ პარლამენტის ტრიბუნაც უნდა გამოიყენოს და ბრძოლა ორ ფრონტზე გაშალოს.
ოლიგარქის გარეშე დარჩენილი "ქართული ოცნება", კიდევ უფრო უნიათო გახდება - ასე "ლელოში" ფიქრობენ. ამბობენ, რომ პარტია, კლანურ და მატერიალურ ინტერესებზე აგებული გუნდია და ბიძინას პოლიტიკიდან წასვლით იგი კიდევ უფრო პატარა კლანებად დაიშლება. ირაკლი კუპრაძე ამბობს, რომ ახლა სიტყვა სწორედ ოპოზიციამ უნდა თქვას.
"ქართული ოცნების" დამფუძნებელმა და პარტიის უკვე ყოფილმა თავმჯდომარემ, ბიძინა ივანიშვილმა პოლიტიკიდან წასვლის შესახებ განცახდება, ოთხი დღის წინ გააკეთა.