10, თებერვალი 2021 17:34:00
200 ლარიანი კომპენსაციის მისაღებად, შემოსავლების სამსახურში განაცხადების წარდგენა გრძელდება. ამ დროისთვის, უკვე დარეგისტრირებული 11 ათას 900 განაცხადი. საქართველოს მთავრობის დადგენილებაში განხორციელებული ცვლილების თანახმად, თუ 2020 წელს, პირი დაქირავებული იყო, როგორც საუბნო საარჩევნო კომისიის წევრი და უფიქსირდება ხელფასის მიღება, იგი კომპენსაციის მიმღები ხდება. ცვლილება შეეხო იმ პირებსაც, რომლებზეც ვერ განხორციელდა განაცხადების წარდგენა იურიდიული პირის ლიკვიდაციის ან დამქირავებელის გარდაცვალების გამო. ასეთ შემთხვევაში, პირმა, თავად უნდა მიმართოს განცხადებით შემოსავლების სამსახურს. განაცხადების წარდგენა 22 თებერვლის ჩათვლით არის შესაძლებელი.