11, თებერვალი 2021 17:43:00
ფინანსთა სამინისტროს შემოსავლების სამსახური ავტოიმპორტიორებს მოუწოდებს, დაიცვან ვადები და 2020 წლის 1 მაისამდე შემოყვანილი ავტომობილების რეექსპორტი ან სხვა საბაჟო პროცედურები 1 მარტამდე უზრუნველყონ. პანდემიის მიზეზით, ავტოიმპორტიორებს, დეკლარირებისთვის ვადები სულ სამჯერ გაუხანგრძლივდათ. როგორც შემოსავლების სამსახურში აცხადებენ, გადასახადებისგან თავის არიდების აღკვეთის მიზნით, რათა არ მოხდეს განსაბაჟებელი ავტომობილების დაშლა და შემდგომში მისი ავტონაწილებად რეალიზაცია, საბაჟო პროცედურების მკაცრი კონტროლი ხორციელდება.