ხმაური იყო ბათუმის მესამე საჯარო სკოლასთან. ტვ25-ის ინფორმაციით, ამავე სკოლის ყოფილი მოსწავლე, კარის გატეხვას და დაწესებულებაში შესვლას ცდილობდა. ინცინდენტის გამო, ადმინისტრაციამ საპატრულო პოლიცია გამოიძახა. დირექტორის მოადგილემ, ჩვენი გადამღები ჯგუფის მოტყუება სცადა. თქვა, რომ არ იცოდა რატომ იყო მობილიზებული სკოლასთან საპატრულო პოლიცია. შინაგან საქმეთა სამინისტროში განმარტეს, რომ ინცინდენტში მონაწილე პირი გამოიკითხა და გამოძიება შესაძლო ძალადობის გამოვლენისთვის, 126-ე მუხლით დაიწყო.
26 ხმა ოთხის წინააღმდეგ - აჭარის ჭიდაობის ფედერაციის პრეზიდენტად ისევ ანზორ ლაზიშვილი აირჩიეს.
დამდგარი შედეგით, მოჭიდავეების უმრავლესობა უკმაყოფილოა. ფედერაციაში ახალ სახეებს და ცვლილებებს ითხოვენ. ამბობენ, რომ თუ ლაზიშვილი თანამდებობას არ დატოვებს, ისინი აჭარის სახელით აღარ იასპარეზებენ.
ანზორ ლაზიშვილი ფედერაციის პრეზიდენტის პოსტს 2016 წლიდან იკავებს, 2012-2016 წლებში კი ვიცე-პრეზიდენტი იყო. სპორტსმენები ამბობენ, რომ ამ ხნის განმავლობაში ფედერაციისთვის არაფერი გაკეთებულა: არც ინვენტარი გააჩნდათ, არც ეკიპირება და არც მეტი, არც ნაკლები კაბინეტი, სადაც ფედერაციის პრეზიდენტთან აქტუალურ საკითხებს განიხილავდნენ.
სპორტსმენები ამბობენ, რომ არჩევნებში მათთვის უცნობი დელეგატები მონაწილეობდნენ, ამიტომ კენჭისყრის დღეს საკუთარი კანდიდატურა - მევლუდ წულუკიძე დააყენეს, თუმცა პრეტენდენტმა კენჭისყრაში მონაწილეობაზე საბოლოოდ მაინც უარი თქვა.
ანზორ ლაზიშვილის განმარტებით, დელეგატების დაკომპლექტების მოქმედი წესი 2012 წელს დამტკიცდა, ამიტომ ფიქრობს, რომ მოჭიდავეები ახლა მიზეზებს ეძებენ და მათ საამისოდ ვიღაც აქეზებს. ამბობს იმასაც, რომ მევლუდ წულუკიძე, მისმა მომხრეებმა კონკურენტად ნათესაური კავშირის გამო დაასახელეს.
თუ კი, ჭიდაობის ფედერაციაში ახალი კანდიდატების წარდგენა და განმეორებითი კენჭისყრა არ ჩატარდება, ამბობენ, რომ ფედერაციას 200 მოჭიდავე დატოვებს.
1
s
s
s