უკვე წლებია ვუყურებთ ტენდეციას, როდესაც მაგალითად საშუალო ინფლაცია ქვეყანაში არის 4%, თუმცა ფასები პირველადი მოხმარების პროდუქტებზე იზრდება 10,20 ან 30%-ით. ცხადია ეს ჩვენ ჯიბეს მძიმედ აწვება, რადგან ეს ის პროდუქტებია, რასაც ყოველდღიურად მოვიხმართ, მათ შორის, ხორცს, თევზს, ზეთს და ასე შემდეგ.
"მაქვს მოლოდინი, რომ ქვეყანაში ფასების საერთო დონე მომდევნო თვეების განმავლობაში გაიზრდება. ამის საფუძველს კი რამდენიმე მნიშვნელოვანი მოცემულობა მაძლევს, მათ შორისაა ქვეყანაში ელექტროენერგიისა და გაზის ტარიფების ზრდა. ცხადია ტარიფის ზრდა იწვევს ხარჯების ზრდას კომპანიისთვის, რისი ასახვაც შესაძლოა მოხდეს გასაყიდი პროდუქციის ფასში. გარდა ამისა, ლარის კურსის გაუფასურებისა და გლობალური მასშტაბით ნავთობის ფასების ზრდის ფონზე ჩვენთან საწვავიც გაძვირდა, რაც დამატებით ლოჯისტიკურ ხარჯს წარმოადგენს ბიზნესისთვის"- ამბობს ეკონომისტი ნოდარ სირბილაძე.
ამასთან გაზრდილია FAO-ს საერთაშორისო ფასების ინდექსიც. ამ ყველაფერს კი მთლიანობაში აგვირგვინებს გაუფასურებული ლარი. მე არ მაქვს ილუზია, რომ მომდევნო თვეებში ლარი დოლართან 30 თეთრით გამყარდეს. გაუფასურებული ლარი გვიძვირებს იმპორტს, ხოლო ჩვენი ძირითადი მოხმარების საქონლის 70%-ზე მეტი იმპორტირებულია.
2
s
s
s