01, აპრილი 2021 17:30:00
ვლადიმერ პოზნერის ვიზიტს პოლიტიკოსებიც აფასებენ. ოპოზიციაში ამბობენ, რომ რუსი ჟურნალისტი პუტინის ემისარია და ხელისუფლებას უნდა ეზრუნა იმაზე, რომ პროპაგანდისტს საზღვარი არ გადმოეკვეთა. ხელისუფლების ოპონენტები მიიჩნევენ, რომ საქართველოს პრორუსული მთავრობა ადამიანებს, რომლებიც ჩვენი ქვეყნის სახელმწიფოებრიობას არღვევენ, მაქსიმალურ კომფორტს უქმნის. პოლიტიკურ წრეებში კითხვები ჩნდება, იმასთან დაკავშირებით, თუ ვინ იყო ინფორმირებული პოზნერის საქართველოში ვიზიტის შესახებ და იყო თუ არა ფაქტი საზოგადოებრივი დესტაბილიზაციის შექმნის მცდელობა.