02, აპრილი 2021 12:15:00
კომენდანტის საათის გაუქმების მოთხოვნით, სამოქალაქო აქტივისტები და პოლიტიკური გაერთიანებები ხვალ, 3 აპრილს აქციას გამართავენ. ისინი დაწესებულ შეზღუდვებს დემონსტრაციულად დაარღვევენ.
აქცია ბათუმში, მოძრაობა სირცხვილიას ორგანიზებით გაიმართება. პროტესტის მონაწილეები, 20:00 საათიდან სირცხვილიას შტაბში, ფარნავაზ მეფის N39-ში შეიკრიბებიან და დაუმორჩილებლობის წვეულებას გამართავენ.
შეგახსენებთ, კომენდანტის საათი, მთელი ქვეყნის მასშტაბით, 2020 წლის 28 ნოემბრიდან მოქმედებს. მოქალაქეებს, 21:00-დან 05:00 საათამდე გადაადგილება ეკრძალებათ.