10, ივლისი 2017 14:08:00
„ნაციონალური მოძრაობა“ ქობულეთში შესრულებულ ინფრასტრუქტურულ სამუშაოებს იწუნებს. მერაბ ცინცაბაძე ირწმუნება, რომ ხშირ შემთხვევაში, ტენდერებში გამარჯვებული კომპანიები დასახელებულ ფასზე ბევრად ნაკლებ თანხას სთავაზობენ, რაც საბოლოო ჯამში შესრულებული სამუშაოების ხარისხზე აისახება. გამგეობაში კი ირწმუნებიან, რომ სამუშაოების დაწყებამდე ექსპერტიზის დასკვნა მზადდება და დგინდება, შესაძლებელია თუ არა შეთავაზებულ თანხაში პროექტის განხორციელება. ტენდერების შედეგად დაზოგილი თანხები, ბიუჯეტის ცვლილებების დროს სხვა პროექტებზე ნაწილდება.