გადადებული სასამართლო განხილვა და მოპოვებული სხდომაზე დასწრების უფლება. მოსამართლემ, ნიკა მელიას ადვოკატების შუამდგომლობა გაითვალისწინა და პროცესი, კიდევ 5 დღით გადადო. „ნაციონალური მოძრაობის“ ლიდერის ადვოკატები ისევ უიმედოდ არიან და ფიქრობენ, რომ საბოლოოდ, მელია პატიმრობაში დარჩება. პროკურატურა კი, აღკვეთის ღონისძიების შეცვლის სანაცვლოდ, კვლავ, დაკისრებული გირაოს გადახდას ითხოვს.
ნიკა მელიას ადვოკატების ეს შუამდგომლობა მოსამართლე ნინო ჩახნაშვილმა დღეს დააკამყოფილა და სასამართლო პროცესი 13 აპრილამდე გადადო. თითქმის 1 საათიანი მსჯელობის შემდეგ გადაწყდა, რომ მომდევნო პროცესიდან განხილვებს საქმის მთავარი ფიგურანტი, ნიკა მელია დაესწრება, რომელსაც სხდომაზე დასწრების უფლება აქამდე ჩამორთმეული ჰქონდა.
მელიას უფლებადამცველების პირველივე შუამდგომლობა დააკმაყოფილა, ადვოკატებს მაინც არ აქვთ იმედი, რომ ეს პროცესი ნიკა მელიას თავისუფლებით დასრულდება.
ნიკა მელიას პატიმრობა პროკურატურის თვითმიზანი არაა - ასეთია ბრალდების მხარის პოზიცია მელიასთვის აღკვეთი ღონისძიების შეცვლის შესახებ. პროკურორი ამირან გულუაშვილი ამბობს, რომ თუ მსჯავრდებულ მელიას ციხის დატოვება სურს, მაშინ მას შეუძლია გირაოს ის თანხა გადაიხადოს, რომელიც პროკურატურამ ჯერ კიდევ 25 თებერვალს მოითხოვა.
ვიდრე მოსამართლე საქმის მასალებზე მსჯელობდა, სასამართლოს შენობის გარეთ ვითარება რამდენჯერმე დაიძაბა. სამოქალაქო აქტივისტების ნაწილი საქალაქო სასამართლოსთან მელიის ფორმაში გამოწყობილი, ნაწილი კი მოსამართლის მანტიით მივიდა.
ნიკა მელიას დღეს სოლიდარობა იმ ადამინებმაც გამოუცხადეს, რომლებიც რამდენიმე დღე-ღამის განმავლობაში მასთან ერთად ნაციონალური მოძრაობის ოფისში სპეცრაზმის გამოჩენას ელოდნენ. ოპოზიცია ამბობს, რომ მელია გავრილოვის და რუსი ოლიგაქრის პირადი პატიმარია, ამას კი დასავლეთი უყურადღებოდ ვერ დატოვებს.
პროკურატურის ოფიციალური პოზიციის მსგავსი განცახდებები დღეს არამარტო სხდომათა დარბაზში, არამედ პარლამენტშიც ისმოდა. ქართული ოცნების წევრები ამბობენ, რომ ნიკა მელია პოლიტპატიმარი არ არის და თუ მას თავისუფლება სურს, ამისთვის მხოლოდ გიაროს თანხის გადახდაა საჭირო.
ყველაზე დიდი ოპოზიციური პარტიის თავმჯდომარე საპოლიციო ძალებმა მას შემდეგ დააკავეს, რაც მელიამ სამაჯურის მოხსნისთვის დაწესებული გირაო არ გადაიხადა. ნიკა მელიას ასაყვანად გომელაურის უწყებას რამდენიმე ასეული პოლიციელით შენობაში შესვლა და მელიას ძალის გამოყენებით დაკავება მოუწია.
3
s
s
s