უძრავი ქონების ყიდვა-გაყიდვა, ან იჯარით აღება და გაცემა, დღეს ისე ჭირს, როგორც არასდროს. როგორც დეველოპერულ ისე სამაკლერო კომპანიებში საუბრობენ, რომ ბაზარზე მუშაობა თითქმის განახევრებულია. ახალა ერთადერთი რაც ეიმედებათ, ტურიზმის სრულად ამოქმედება და გარკვეული მიმართულებებით, რეფორმების გატარებაა.
კორონავირუსის პანდემიის პირობებში რომ მნიშვნელოვნად შემცირებულია უძრავი ქონების ყიდვა-გაყიდვა და გაქირავება, სიახლე არავისთვისაა, თუმცა როგორც სამაკლერო აგენტები, ისე დეველოპერები აცხადებენ, რომ წინ ვერც დღეს მიიწევენ, როცა გარკვეული შეზღუდვები მოიხსნა და თითქოს ეკონომიკა ამუშავდა. მდგომარეობა გაცილებით რთულადაა. ეკონომიკური კრიზისის გამო, მშენებლობების ნაწილი გაჩერდა, უკვე დასრულებულ კორპუსებში კი ბინები ისევ არ იყიდება.
სამშენებელო სექტორში ამბობენ, რომ როგორც სხვა მიმართულებებისთვის, დეველოპერებისთვისაც ერთგავრი ხსნა ტურიზმის ამუშავება იქნება. ხელმძღვანელებს გარდაუვალ აუცილებლობად მიაჩნიათ სესხების პოლიტიკის გადახედვა და ფართო კონულტაციების წარმოება ბიზნესსა და ხელისუფლებას შორის.
რა ზარალი განიცადა უძრავი ქონების ბაზარმა ბოლო ერთ წელში, მიმოხილვა, TBC Capital-მა გამოაქვეყნა. წერს, რომ გასულ წელს, ბათუმში, ბინების 7 ათას 500 ტრანზაქცია დაფიქსირდა, რაც 2019 წელთან შედარებით 40%-ით ნაკლებია და ტენდენცია, მიმდინარე წელსაც გრძელდება. საბროკერო კომპანიაშიც, იმედებს ტურიზმის გამოცოცხლებაზე ამყარებენ და აღნიშნავენ, რომ შეღავათი განსაკუთრებით მაშინ იქნება საგრძნობი, როცა საქართველოში, უძრავი ქონების შეძენით, უცხოელები ისევ დაინტერესდებიან.
პოსტპანდემიურ პერიოდში, საქართველოსთვის, ეკონომიკური საქმიანობის გამოცოცხლებაზე რომ ძირითადი ზღვარი ტურიზმზე გადის, თანხმდებიან ეკონომისტებიც. ამბობენ, რომ უძრავი ქონების ბაზრს, განსაკუთრებით ბათუმში, სწორედ დარჩენილი რეგულაციების მოხსნა და გარკვეული რეფორმები უშველის.
ეკონომიკური გათვლები ასეთია. იმისთვის რომ რეგიონი პანდემიამდე არსებულ ეკონომიკური ზღვარს დაუბრუნდეს, სწორი პოლიტიკის შემთხვევაში ორიდან ხუთ წლამდე ვადაა საჭირო. ტურიზმის გაცოცხლებას კი 2022 წლისთვის ელიან.
9
s
s
s