14, აპრილი 2021 21:05:00
14 აპრილი დედაენის დღეა. ზუსტად 43 წლის წინ, საბჭოთა ხელისუფლების დადგენილების გასაპროტესტებლად ქუჩაში ასი ათასი ადამიანი გამოვიდა. გადაწყვეტილება ასეთი იყო - საქართველოში ქართული ენა, როგორც სახელმწიფო ენა გაუქმებულიყო. თბილისთან ერთად, აქციები ბათუმშიც მიმდინარეობდა. პირველად საბჭოთა კავშირის ისტორიაში, კომუნისტურმა რეჟიმმა უკან დაიხია და 14 აპრილი დედაენის დღედ გამოცხადდა. თარიღი, ტრადიციულად, წელსაც აღინიშნა.
14 აპრილს, სკოლა „ნიკეში“, ყოველწლიურად, განსაკუთრებით ელოდებიან. ამ დღესთან დაკავშირებით, მოსწავლეები და მასწავლებლები, საზეიმო ღონისძიებას მართავენ. მართალია, პანდემიამ, მათი დღის წესრიგი შეცვალა, მაგრამ კოვიდრეგულაციების გათვალისწინებით, მოზარდები, დედა ენის დღისთვის, მაინც მოემზადნენ.
სასწავლო დაწესებულებაში, ღონისძიებაც გაიმართა. პირველი კლასის მოსწავლეებმა, ყურადღება, ამ დღის მნიშვნელობაზე გაამახვილეს.
დედა ენის შესახებ, საკუთარი შეხედულებები, გაგვიზიარეს, მოსწავლეების მშობლებმაც.
დედა ენის დღესთან დაკავშირებით, ბათუმის სახელმწიფო უნივერსიტეტში, მონოგრაფიების - „ტაო“ და „მარადიდის“ წარდგენა გაიმართა. ნაშრომებში, საუბარია ჭოროხის ხეობაში მდებარე ტაოს ისტორიის, მატერიალურ-კულტურული ძეგლების, ფოლკლორისა და დიალექტების შესახებ. მას, თან ერთვის ფოტომასალა და რეზიუმე ინგლისურ ენაზე.
ქართული ენის დაცვის დღე გაიხსნეს, ხარიტონ ახვლედიანის სახელობის მუზეუმშიც. სივრცეში, დედა ენის სახელმძღვანელოების ძველი ვერსიები იყო გამოფენილი. ისაუბრეს დღევანდელი დღის მნიშვნელობაზე. აქცენტრიდნენ, 43 წლის წინ, საბჭოთა ხელისუფლების დადგენილების გასაპროტესტებლად, ქუჩაში გამოსულ ასობით ადამიანზეც.
„დედა ენა“ ანუ პირველი საკითხავი წიგნი ანბანის შემდეგ. იაკობ გოგებაშვილის სახელმძღვანელო, დაწყებითი სკოლებისთვის, 1876 წელს გამოიცა. თარიღი, 1978 წლის მოვლენების აღსანიშნავად, 1990 წლიდან, ყოველ 14 აპრილს აღინიშნება. საბჭოთა კავშირის გადაწყვეტილება ასეთი იყო - საქართველოში ქართული ენა, როგორც სახელმწიფო ენა გაუქმებულიყო. მასშტაბური საპროტესტო აქციების შედეგად კი, საბჭოთა კავშირის ისტორიაში პირველად, კომუნისტურმა რეჟიმმა, უკან დაიხია და ქართულ ენას, სახელმწიფო ენის სტატუსი შეუნარჩუნა.