ფორმულას ტელეწამყვან ვახო სანაიაზე თავდასხმაში ბრალდებული სამივე პირი სასამართლომ პატიმრობაში დატოვა. მართლმსაჯულებამ მიიჩნია, რომ ბრალდებულებისგან მომდინარე საფრთხეები კვლავ ძალაში რჩებოდა და ამიტომ, მათ აღკვეთის ღონისძიებად პატიმრობა განესაზღვრათ. „ეს არაა მხოლოდ ვახო სანაიაზე თავდასხმის საქმე. მნიშვნელოვანი საქმეა მედიის თავისუფლების მიმართ. საზოგადოების გარკვეული ნაწილი წახალისებულია მედიაზე თავდასხმის კუთხით. საქმეზე უნდა გამოვიდეს სწორი გადაწყვეტილება - ესაა ჩვენი პოზიცია" - განაცხადა სანაიას ადვოკატმა ედუარდ მარიკაშვილმა. ვახო სანაიასა და მის ოჯახს თავს 25 თებერვალს, გამთენიისას დაესხნენ. როგორც ტელეწამყვანი ყვება, ფაქტი ჟურნალისტურ საქმიანობას უკავშირდება. სანაიამ შემთხვევის შედეგად სხვადასხვა სახის დაზიანება მიიღო, დაშავდა მისი რძალიც. ჟურნალისტი დაზარალებულად 26 თებერვალს ცნეს.
1
s
s
s