12, ივლისი 2017 20:01:00
აჭარის სპორტის დეპარტამენტმა ამპუტანტი ფეხბურთელები დააჯილდოვა. სპორტსმენებს საჩუქრად მედლები და სიგელები გადაეცათ. გუნდს გადაეცა თასიც. ჯილდო ამპუტანტ ფეხბურთელთა შორის საქართველოს ჩემპიონატში მოპოვებული მესამე ადგილისთვის გადაეცა. სიმბოლური ფულადი პრიზით გუნდი წაახალისა აჭარის ფეხბურთის ფედერაციამაც. გუნდი გასულ წელს ჩამოყალიბდა. 2016 წელს ამავე ჩემპიონატში მეოთხე ადგილი მოიპოვეს. უკეთესი შედეგებისთვის ისინი მხარდაჭერას ითხოვენ. მათ უპირველესად საწვრთნელი მოედანი სჭირდებათ. დაჯილდოებაზე ისაუბრეს სიმბოლური ხელფასის დანიშვნის საკითხზეც, რაც შესაძლოა სამომავლოდ იქნას უზრუნველყოფილი. ამჟამად ბათუმის ამპუტანტ ფეხბურთელთა გუნდში 12 სპორტსმენი ირიცხება. აქედან შესაძლოა სამი ეროვნულ ნაკრებშიც მოხვდეს.