23 აპრილს, მსოფლიო წიგნის საერთაშორისო დღეს აღიშნავს. ტრადიციას საქართველო წლებია სხადასხვა ტიპის კულტურული ღონისძიებებით უერთდება. თარიღის ისტორია ასეთია: კატალონიაში ეს დღეს ორი დიდი ესპანელის, მიგელ დე სერვანტესის და ინკა გარსილასო დე ლა ვეგას გარდაცვალებას უკავშირდებოდა, რასაც შექსპირის დაბადების და გარდაცვალების თარიღიც დაემატა. 1995 წელს იუნესკოს გადაწყვეტილებით 23 აპრილი მსოფლიო წიგნის და საავტორო უფლების დაცვის დღედ გამოცხადდა.
„აჩუქე წიგნი იალქანს“, „განათლებისთვის“, „სიცოცხლისთვის“ - ამ და კიდევ რამდენიმე სლოგანით, საზოგადოება, ფონდის საბავშვო ბიბლიოთეკისთვის გაერთიანდა. აქტივობა, სპეციალურად, წიგნის დღეს დაამთხვიეს. პროექტის მიზანი, 6-დან 18 წლამდე ასაკის მოზარდებისთვის განათლების ხელმისაწვდომობის უზრუნველყოფაა.
ბათუმში, ევროპის მოედანზე, „იალქანის“ ბენეფიციარებმა ხელნაკეთი ნივთებიც გამოფინეს. სარეალიზაციოდ გამოიტანეს ნახატები, სათამაშოები და სუვენირები. თანხა სახელმძღვანელოების შესაძენად შეგროვდა.
ღონისძიების ორგანიზატორი „იალქანის“ დამფუძნებელი იყო. თიკო აბაშიძის თქმით, ფონდის ახალი ცენტრი და ბიბლიოთეკა თვის ბოლოსთვის, ჭავაჭავაძის 32 ა-ში უნდა გაიხსნას. შეგროვებული წიგნებით ქუჩასა და კანონთან კონფლიქტში მყოფი მოზარდები ისარგებლებენ.
აქტივობას, დღეს, მოქალაქეებიც შეურთდნენ. ამბობენ, რომ მსგავსი ტიპის ღონისძიებები ხშირად უნდა იმართებოდეს.
აქტივობა 15 საათზე დაიწყო და 19 საათზე დასრულდა. მოქალაქეებს, რომლებსაც გაქვთ სურვილი მოზარდებს სახელმძღვანელოები აჩუქოთ, ბათუმში, ჭავჭავაძის 27 ნომერში, „იალქანის“ ოფისში უნდა მიხვიდეთ.
7
s
s
s