საკონსტიტიტუციო სასამართლომ ძალადაკარგულად ცნო ჯანდაცვის მინისტრის ის ბრძანება, რომელიც მამაკაცთან სქესობრივი კავშირის მქონე მამაკაცს სისხლისა და მისი კომპონენტების დონორობას უკრძალავდა. სასამართლომ განმარტა, რომ არსებული ტექნოლოგიებით აივ-ვირუსების გამოვლენა მამაკაცებს შორის აქტის შემდეგ გარკვეული პერიოდის გასვლის შემდეგ არის შესაძლებელი, შესაბამისად სისხლის დონაციის განუსაზღვრელი ვადით აკრძალვა სარისკო ქცევის მქონე ჰომოსექსუალური მამაკაცებისთვის არათანაზომიერია. ჯანდაცვის მინისტრის 2000 წლის ბრძანების ჩანაწერი მოქალაქეებმა გოჩა გაბოძემ და ლევან ბერიანიძემ გაასაჩივრეს. იმის გათვალისწინებით, რომ საკონსტიტუციო სასამართლომ მსგავსი ნორმა არაკონსტიტუციურად 2014 წელს ერთხელ უკვე ცნო, ამჯერად პირველმა კოლეგიამ მოსარჩელეების მოთხოვნა დააკმაყოფილა და სადაო ნორმა არსებითი განხილვის გარეშე, 2014 წლის 4 თებერვლის გადაწყვეტილების დამძლევ ნორმად მიიჩნია.
41
s
s
s