მოპედებით გადაადგილებისთვის მძღოლებს, მართვის მოწმობები დასჭირდებათ. გადაწყვეტილება, შინაგან საქმეთა მინისტრმა დღეს გაავრცელა. ვახტანგ გომელაურის განმარტებით, უწყება თემაზე უკვე მუშაობს და მოპედების რეგისტრირებაც მალე იწყება. ძალოვანი უწყების წარმომადგენლის თქმით, ამ ეტაპზე მოპედების კონტროლი ვერ ხდება ვიდეოკამერებით და ხშირია ავტოსაგზაო შემთხვევებიც, განსაკუთრებით კი მძლავრ მოტოციკლეტებზე, რომელსაც A კატეგორიის მართვის მოწმობა სჭირდება. გომელაურმა, საკითხი მტკივნეულად შეაფასა და თქვა, რომ პრობლემის გადასაჭრელად ეს ნაბიჯი აუცილებელია.
ირაკლი ძნელაძე ერთ-ერთი პირველია, ვინც ქალაქში
მოპედით მოძრაობა დაიწყო. ტრანსპორტის ამ სახეობას უკვე წლებია მართავს. ამბობს, რომ გადაადგილების ალტერნატიული საშუალება მანქანასთან შედარებით მარტივი და კომფორტულია. მძღოლი არც მის სისწრაფეს უჩივის. ერთადერთი, რაც მისთვის პრობლემურია, კანონმდებლობის არარსებობაა, რაც ქუჩებში ქაოტურ მდგომარეობას ქმნის.
ირაკლის მსგავსად მოძრაობის წესების დაცვას ცდილობს კიდევ ერთი მძღოლი. ასლან ჩხიკვაძე მოპედს 3 წელია მართავს. ავტოსაგზაო შემთხვევაში თავად არ მოყოლილა, თუმცა მსგავსი ფაქტების შესახებ ბევრჯერ გაუგია, უნახავს კიდეც. ამბობს, რომ პრობლემა მოპედების საჭეებთან მჯდომი არასრულწლოვნებია.
ეს კადრები ბათუმის ქუჩებში დღეს გადავიღეთ. როგორც ჩანს, ქალაქში მოძრავი მოპედის მძღოლების სრული უმრავლესობა საგზაო მოძრაობის წესებს არ იცავს. ისინი ძირითადად კურიერები არიან. რატომ არ უფრთხილდებიან საკუთარ უსაფრთხოებას და რატომ არ გადაადგილდებიან წესების დაცვით? უმრავლესობამ ჩვენთან საუბარი არ ისურვა. ერთ-ერთი მათგანი კი მოკლე კომენტარით შემოიფარგლა:
ქუჩებში არსებულ ქაოტურ მდგომარეობასა და საფრთხეებზე საუბრობენ მოქალაქეეებიც. ბათუმის ქუჩებში გამოკითხულები ამბობენ, რომ უკონტროლო სიტუაცია და მოპედების მძღოლების დაუდევრობა მათ სიცოცხლეს ხშირ შემთხვევაში საფრთხეს უქმნის.
პრობლემა რომ მძიმე და მტკივნეულია, იციან შინაგან საქმეთა სამინისტროშიც. საკითხის გადასაჭრელად მინისტრმა დღეს ახალი იცინიატივის განხორციელება დაანონსა. ვახტანგ გომელაურმა თქვა, რომ მოპედების რეგისტრაცია და მართვის მოწმობის აღება აუცილებელი იქნება.
ლია მგელაძე აჭარის ქალთა საავტომობილო ფედერაციის პრეზიდენტია. ევროპული ქალაქების გამოცდილების მაგალითზე ამბობს, რომ მოპედი გაადგილების ყველაზე კარგი ალტერნატიური საშუალებაა და ქალაქში დიდი რაოდენობით უნდა იყოს წარმოდგენილი, თუმცა აღნიშნავს,რომ კონტროლი სწორი მიმართულებით უნდა განხორციელდეს.
ლია მგელაძისგან განსხვავებით, სიახლე კითხვით ნიშნებს უჩენს ოპოზიციას. „ერთიან ნაციონალურ მოძრაობაში“ ვერ გაუგიათ, რას ემსახურება ინიციატივა ან რა სიკეთის მომტანი შეიძლება იყოს იგი საზოგადოებისთვის.
შინაგან საქმეთა მინისტრის განცხადებით, მოპედებით გარდაცვალების მაჩვენებელი გასულ წლებთან შედარებით ნაკლებია. მძლავრ მოტოციკლეტებზე, რომელსაც A კატეგორიის მართვის მოწმობა სჭირდება, უფრო ხშირი შემთხვევებია. გომელაურის უწყება მოპედების რეგისტრაციას და მათი მართვის გარკვეულ რეგულაციებში მოქცევას 2019 წლიდან გეგმავს.