საერთაშორისო კომპანია „მეიჯერელი“ საქართველოში 2016 წლიდან ოპერირებს. მსოფლიოს მასშტაბით, კომპანიაში 58 000-ზე მეტი თანამშრომელია დასაქმებული, საქართველოს გუნდი კი, უკვე 2 200-მდე წევრს ითვლის.
თბილისისა და ქუთაისის შემდეგ ბათუმის ჯერიც დადგა, სადაც 2020 წელს კომპანიის მეოთხე ოფისი გაიხსნა. ოთხწლიანი წარმატებული საქმიანობის შემდეგ, არსებული პროექტის გაფართოვების მოთხოვნის საფუძველზე, „მეიჯერელმა“ ბათუმში საცდელი მიკრო საიტი გახსნა, სადაც 50 ადამიანი 1 პროექტის ფარგლებში დაასაქმა. სატესტო რეჟიმის წარმატებით დასრულების შემდეგ, კომპანიამ ზღვისპირა ქალაქში გაფართოვება და კიდევ უფრო მეტი თანამშრომლის მოძიება გადაწყვიტა.
“მეიჯერელის” თანამშრომლები ბათუმიდან მსოფლიოში ცნობილი ელექტრონული კომერციის ინდუსტრიის წამყვან ბრენდს უწევენ საკონსულტაციო მომსახურებას. აჭარის რეგიონში ბიზნეს პროცესების აუთსორსინგის სფეროში მოღვაწე ერთ-ერთი ყველაზე მსხვილი კომპანიის შესვლა ხელს უწყობს როგორც ახალი სამუშაო ადგილების შექმნასა და ბაზარზე მაღალი სტანდარტების დამკვიდრებას, ისე საერთაშორისო გამოცდილების გაზიარებას.
„მეიჯერელმა“, რომელმაც ქართული ბიზნესის განვითარებისათვის რამდენიმემილიონიანი ინვესტიცია განახორციელა, მსოფლიოს მასშტაბით დაიმკვიდრა მაღალი სოციალური პასუხისმგებლობის მქონე კომპანიის სახელი. გამორჩეული ორგანიზაციული კულტურისა და პროფესიული უნარ-ჩვევების უწყვეტი განვითარების მიღმა, ორგანიზაციაში დიდი მნიშვნელობა თანამშრომლების კმაყოფილებასა და კეთილდღეობასაც ექცევა; „მეიჯერელის“
გუნდის თითოეული წევრის საჭიროებების საპასუხოდ, კომპანიამ სპეციალური პროგრამა — „Feel Good” შეიმუშავა, რომლის ფარგლებშიც დასაქმებულთა გონებრივ, ფიზიკურ და სულიერ მდგომარეობაზე ყოველდღიურად ზრუნავს.
ამჟამად ბათუმის გუნდი გერმანულენოვან თანამშრომლებს ეძებს, „მეიჯერელი“ კი, გუნდის მომავალ წევრებს მეგობრულ სამუშაო გარემოს, საერთაშორისო კრიტერიუმებზე მორგებულ პროფესიულ გამოცდილებასა და უამრავ დამატებით ბენეფიტს ჰპირდება.
2
s
s
s