07, მაისი 2021 21:25:00
ქედის მუნიციპალიტეტში წონიარისი-კანტაური-ტიბეთას მიმართულებით, სადაც ადიდებულმა მდინარემ ხიდი დააზიანა, აჭარის საავტომობილო გზების დეპარტამენტმა ახალი ხიდის მშენებლობა დაიწყო. პროექტის ფარგლებში აშენდება 72 მეტრი სიგრძის და 8 მეტრი სიგანის ახალი ხიდი. ამ ეტაპზე წინა მოსამზადებელი სამუშაოები აქტიურად მიმდინარეობს. ახალი ხიდით სოფელ აბუქეთა, კანტაურსა და ტიბეთაში მცხოვრები მოსახლეობა, ასევე ვიზიტორები შეძლებენ კომფორტულ და უსაფრთხო გადაადგილებას. მანამდე კი ადგილობრივებს შესაძლებლობა აქვთ შემოვლითი გზებით ისარგებლონ.