14, ივლისი 2017 14:05:00
საქართველოს განათლებისა და მეცნიერების მინისტრი საზაფხულო ბანაკის წევრებს შეხვდა. სალიბაურის სკოლა - პანსიონის ეკო-ბანაკი აღმოსავლეთ საქართველოს საჯარო სკოლის მოსწავლეებს მასპინძლობს. "დავისვენოთ და ვისწავლოთ ერთად" პროექტის ფარგლებში მოსწავლეები სპეციალურად მათთვის შედგენილი შემეცნებით გასართობ აქტივობებში არიან ჩართულები. პროგრამა ასევე, ბუნებისდაცვის და ჯანსაღი ცხოვრების დამკვიდრების პოპულარიზაციის საკითხებსაც მოიცავს. ბანაკი ალექსანდრე ჯეჯელავამ აჭარის განათლების მინისტრთან ერთად მოინახულა და დაათვალიერა. მსგავსი ტიპის ეკო ბანაკებს საქართველოს განათლებისა და მეცნიერების სამინისტრო წელს პირველად ახორციელებს. მოსწავლეები ქუთაისში, წყნეთში, ანაკლიაში, სალიბარუში, მანავსა და კაჭრეთში ისვენებენ.