4 პროცენტამდე გაზრდილი უმუშევრობის დონე საქართველოში. იმ ფონზე, როცა ხელისუფლების წევრები წინასაარჩევნოდ ასობით დაპირებას გასცემენ სამუშაო ადგილების შექმნაზე და კამერების წინაშე თავს არარეალისტური გეგმებით იწონებენ, ადამიანები სოფლებსა თუ ქალაქებში, სამსახურებს ეძებენ. ეძებენ თუმცა პოვნა უჭირთ, რადგან პანდემიამ ქვეყანაში მდგომარეობა საგრძნობლად გააუარესა. რეალობა რომ სამთავრობო გუნდის წევრების მიერ ხშირ შემთხვევაში გაჟღებული ციფრებისგან კარდინალურურად განხსვავდება, ეს ყველა ფეხის ნაბიჯზე იგრძნობა. როგორია სოციალურ -ეკონომიკური ფონი ქვეყანაში? დღეს ჩვენ ამას ქობულეთის მუნიციპალიტეტის მაგალითზე გიჩვენებთ. სოფელ ოჩხამურს „მაცნეს“ გადამრები ჯგუფი დღეს ესტუმრა.
ქობულეთი. სოფელი ოჩხამური. მუნიპალიტეტის ერთ-ერთი მჭიდროდ დასახლებული ადგილი. ათასობით მაცხოვრებელი, თავს, ძირითადად, სოფლის მეურნეობით ირჩენს. სხვა ალტერნატივა არც აქვთ, რადგან ქვეყანაში, უმუშევრობა, კვლავ, ერთ-ერთი ყველაზე მნიშვნელოვან სოციალურ-ეკონომიკური პრობლემად რჩება. ადგილობრივები გვიყვებიან, რომ მათი ფინანსური მდგომარეობა, განსაკუთრებით, პანდემიის პერიოდში დამძიმდა.
ისედაც რთულ ეკონომიკურ სიდუხჭირეს, პანდემიის გამო ჩაკეტილი საზღვრები დაემატა. შედეგად, ოჩხამურში მცხოვრებლები, მეზობელ ქვეყანაში, სამუშაოდ ვეღარ გადადიან. შეიძლება ითქვას, რომ ოჯახებმა, შემოსავლის ძირითადი წყარო დაკარგეს.
ადგილობრივებს, კარგად ახსოვთ, მმართველი გუნდის წინასაარჩევნო დაპირებები. დაპირებები, რომლებიც ათასობით სამუშაო ადგილის შექმნას გულისხმობდა. დღეს არსებული რეალობა ამის საპირისპიროა. „ქართული ოცნების“ ხელისუფლებაში მოსვლიდან მე-9 წელი დაიწყო, ქვეყანაში კი, სამუშაო ადგილების შექმნის ნაცვლად, უმუშევართა რაოდენობა იზრდება.
საქართველოს სტატისტიკის ეროვნული სამსახურის მონაცემებით, 2020 წლის მე-4 კვარტალში, წინა წლის ანალოგიურ პერიოდთან შედარებით, უმუშევრობის დონე 3.8%-ით გაიზარდა. საერთო ჯამში, მაჩვენებელი, 20.4 %-ს გაუტოლდა. რაც შეეხება, 2019 წელს, ანუ ვიდრე პანდემია დაიწყებოდა, საქსტატის კვლევით, უმუშევრობის დონე, 11.6 %-ი იყო, რაც ევროკავშირის ქვეყნებთან შედარებით, ორჯერ მაღალია.
45
s
s
s