17, მაისი 2021 17:13:00
15-მა პარტიამ ლგბტ უფლებებზე პოლიტიკურ შეთანხმებას მოაწერა ხელი. ინფორმაციას თბილისი პრაიდი ავრცელებს. ხელმომწერებს შორის არიან: ნაციონალური მოძრაობა, ევროპული საქართველო, ლელო, სტრატეგია აღმაშენებელი, რესპუბლიკური პარტია, გირჩი და სხვები. დოკუმენტს არ აქვს მმართველი გუნდის, „ქართული ოცნების" ხელმოწერა. ორგანიზაციაში მიიჩნევენ, რომ შეთანხმება, პოლიტიკურ პროცესებში, ჰომოფობიის ნიადაგზე სოციალური შუღლის გაღვივებასა და სიძულვილის ენის გამოყენების აღმოფხვრას შეუწყობს ხელს.