17, მაისი 2021 17:49:00
გონიოს ტერიტორიაზე სასმელი წყლის სისტემის მოწყობა ხორციელდება. ამ ეტაპზე, წყლის ახალი მრიცხველების მონტაჟი ანდრია პირველწოდებულის ქუჩასა და მიმდებარე ჩიხებში მიმდინარეობს. “ბათუმის წყლის“ ინფორმაციით, აღნიშნულ დასახლებაში მცხოვრები 300-მდე ოჯახი 24 საათიანი უწყვეტი წყალმომარაგებით ისარგებლებს. მათივე ცნობით, პროექტი ეტაპობრივად მიმდინარეობს და გონიოს ადმინისტრაციული ერთეულის სხვა ქუჩებსაც მოიცავს.