ხმაურით დაწყებული საქართველოს პარლამენტის კულტურის კომიტეტის გასვლითი სხდომა. აჭარის უმაღლეს საბჭოში, ერთმანეთს , დამოუკიდებელი დეპუტატი, არმაზ ახვლედიანი და მმართველი გუნდის წევრები დაუპირისპირდნენ. დავის საგანი დღის წესრიგში ცვლილებების შეტანა გახდა. ოპოზიციონერ დეპუტატს, განსახილველად, ბათუმის ბულვარში მიმდინარე, მრავალფუნქციური სასტუმროს, „ამბასადორი“-ს მშენებლობის საკითხის დაყენება სურდა.საკითხს მმართველი გუნდისგან კამათი მოყვა. უფრო მეტი დეტალი ვნახოთ სიუჟეტში
ხმაურით დაწყებული საქართველოს პარლამენტის კულტურის კომიტეტის გასვლითი სხდომა. აჭარის უმაღლეს საბჭოში, ერთმანეთს დამოუკიდებელი დეპუტატი, არმაზ ახვლედიანი და მმართველი გუნდის წევრები დაუპირისპირდნენ.
კულტურის კომიტეტის გასვლით სხდომაზე ხმაურის დაწყების მიზეზი„ამბასადორის“ მშენებლობის საკითხი გახდა. კომიტეტის წევრმა, არმაზ ახვლედიანმა, თავმჯდომარეს, დღის წესრიგში, ბათუმის ბულვარში მიმდინარე სასტუმროს მშენებლობის საკითხის დამატება სთხოვა, რაზეც პასუხად უარი მიიღო. ოპოზიციონერმა, უმრავლესობის წარმომადგენლები კორუფციაში დაადანაშაულა.
ელისო ბოლქვაძემ, „ამბასადორის“ მშენებლობის საკითხის განხილვა კომიტეტის სხდომაზე საჭიროდ არ მიიჩნია. მიზეზად კი ის თქვა, რომ დღის წესრიგი გათვალისწინებული რეგლამენტის მიხედვით მიმდიანრეობდა, რისი ცვლილებაც სპონტანურად არ ხდება.
არმაზ ახვლედიანმა ისიც თქვა, რომ „ამბასადორის“ მშენებლობის საკითხზე საუბარი აჭარის განათლების მინისტრთან ითხოვა, თუმცა ამის საშუალება არ მისცეს. მაია ხაჯიშვილის განმარტებით კი, მსგავსი არაფერი სმენია და მისი კაბინეტის კარები ყოველთვის ღიაა.
აჭარის უმაღლესი საბჭოს განათლების კომიტეტის თავმჯდომარის შეფასებით, არმაზ ახვლედიანმა სადეპუტატო მანდატი იმ გუნდის მეშვეობით მოიპოვა, რომელმაც სადაო საკითხის ადგილი, ბათუმის ბულვარის ტერიტორიიდან ამოიღო. ბაციკაძემ, ახვედიანის მხრიდან თემაზე აქცენტირება უხერხულად მიიჩნია.
ცნობისთვის, საქართველოს პარლამენტის კულტურის კომიტეტის გასვლითი სხდომა დღეს, აჭარის უმღლეს საბჭოში ჩატარდა. დღის წესრიგი, მხოლოდ, ერთ საკითხს: ზოგადსაგანმანათლებლო დაწესებულებებსა და მის გარეთ, სახელოვნებო განათლების მდგომარეობის მონიტორინგს - ითვალისწინებდა.