ღია მმართველობის ფარგლებში აღებული ვალდებულება, რომელიც აჭარის უმაღლესმა საბჭომ ვერა და ვერ უზრუნველყო. 2020-2021 წლების, მრავალპუნქტიანი სამოქმედო გეგმიდან, ერთ-ერთი სრულად, ძალაში მარტში უნდა შესულიყო, თუმცა როგორც ჩანს, მას კიდევ დიდხანს დააგვიანდება. საუბარია, დეპუტატთან ვიზიტის დაჯავშნის და საშვების ელექტრონულად აღების წესზე, და ეს მაშინ, როდესაც უკვე მეორე პანდემიური წელია. საბჭომ, კიდევ ერთი ნაკისრი ვალდებულა არ შეასრულა. საშვთა ბიურო, დღემდე არ არის ადაპტირებული, შეზღუდული შესაძლებლობის მქონე პირებისთვის. რა მიზეზით არ თუ ვერ ასრულებს ღია მმართველობის პრინციპიდან გამომდინარე ვალდებულებებს საბჭო, ია გოლიაძე შეეცადა გარკვევას.
ეს კადრები უმაღლეს საბჭოში, რამდენიმე წლის წინ მომხდარ ინცინდენტს ასახავს. ჯელალ ქიქავას დაცვის პოლიცია საკანონმდებლო ორგანოში შესვლის უფლებას არ აძლევს. იმის მიუხედავად, რომ მას შენობაში გადაადგილების საშვი ჰქონდა, ამის საშუალება არ მიეცა. დღეს ამბობს, რომ მისი მოქალაქეობრივი უფლება მიზანმიმართულად შეზღუდეს
ეს კი აჩიკო შაქარიშვილია, შეზღუდული შესაძლებლობების მქონე პირთა მხარდაჭერისა და საინფორმაციო უზრუნველყოფის ცენტრის კონსულტანტი. უმაღლესი საბჭოს დეპუტატებთან კომუნიციკაციას ვერ ახერხებს. ამბობს, რომ მხოლოდ გარეადაპტირება საკმარისი არ არის.
წარმომადგენლობით ორგანოში სხდომებზე დასწრებისა თუ დეპუტატებთან შეხვედრის სურვილი სავარაუდოდ კიდევ ბევრ მოქალაქეს აქვს, თუმცა აჩიკო შაქარიშვილისა და ჯელალ ქიქავას მსგავსად, შეღწევა უჭირთ. საბჭოს ოფიციალურ ვებგვერდს რომ გადახედოთ, აქ არც ის ინფორმაციაა მოცემული, თუ როგორ შეიძლება მოქალაქე დეპუტატთან მიღებაზე ჩაეწეროს. არაფერი წერია წევრების საათებსა და განრიგზე. კიდევ ერთი. მოქალაქეებს არ აქვთ საშუალება საშვი წინასწარ, ადგილზე მისვლის გარეშე, ელექტრონულად მიიღონ. არადა ამ ყველაფერს, საბჭოს, ღია მმართველობის 2020-21 წლების სამოქმედო გეგმა ავალდებულებს.
დოკუმენტის მიხედვით, კონცეფცია 2020 წლამდე უნდა შემუშავებულიყო, ხოლო სისტემა სრულად მიმდინარე წლის მარტში უნდა დანერგილიყო. ეს იმას ნიშნავს, რომ საბჭოს ვებგვერდით, მოქალაქეებს დეპუტატებთან ვიზიტის დაჯავშნა წინასწარ ელექტრონულ რეჟიმში უნდა შეეძლოთ. ოპოზიციაში ამბობენ, რომ შესრულების ვადებს „ოცნების“ გუნდი მიზანმიმართულად აჭიანურებს.
უმაღლესი საბჭოს აპარტთან ერთად ინიციატივის ავტორი „საერთაშორისო გამჭვირვალობა“ საქართველოა. მალხაზ ჭკადუა ამბობს, რომ დეპუტატებთან კომუნიკაციის გასამარტივებლად სისტემა აქამდეც უნდა დანერგილიყო.
აჭარის უმაღლეს საბჭოში მოქალაქეების შეღწევადობის პრობლემაზე სასაუბროდ დღეს წარმომადგენლობით ორგანოში მზად არ აღმოჩნდნენ. ღია მმართველობის 2020-2021 წლის სამოქმედო გეგმა სულ 15 ვალდებულებას მოიცავს. დოკუმენტი მიზნად საბჭოს საქმიანობის გაუმჯობესებას, გამჭვირვალობასა და გადაწყვეტილებების მიღების პროცესში მოქალაქეთა მონაწილეობას ისახავს.
5
s
s
s