26, მაისი 2021 10:22:00
საქართველოს თავდაცვის სამინისტროს ინფორმაციით, ქვეყნის ეროვნული დღესასწაულისადმი მიძღვნილი მთავარი ღონისძიება, ტრადიციულად, დედაქალაქში, თავისუფლების მოედანზე გაიმართება.
სამხედრო ფიცს, 247 რეკრურტი დადებს და დღეიდან, საქართველოს თავდაცვის ძალების სრულუფლებიანი წევრი გახდება.
სამხედრო ფიცის დადებასთან დაკავშირებით, ქვეყნის მთავარსარდალს, სალომე ზურაბიშვილს, მოხსენებას თავდაცვის ძალების მეთაური, გენერალ-მაიორი გიორგი მათიაშვილი ჩააბარებს.
ეროვნული დღესასწაულის აღნიშვნა თავისუფლების მოედანზე საქართველოს სახელმწიფო დროშის აღმართვით დაიწყება, რომელსაც ეროვნული გვარდიის სარიტუალო ასეულის სამხედრო მოსამსახურეები შემოიტანენ.