28, მაისი 2021 17:35:00
ბათუმში, გაეროს ბავშვთა ფონდის ორგანიზებით მასწავლებელთა და სკოლების ადმინისტრაციის პერსონალისთვის საინფორმაციო სესიები ჩატარდა. შეხვედრას აჭარაში მოქმედი პედაგოგები, ადგილობრივი ექიმები და მედიის წარმომადგენლები ესწრებოდნენ. შეხვედრის მიზანი, ეროვნული იმუნიზაციის პროგრამებისა და Covid-19-ის საწინააღმდეგო ვაქცინაციის შესახებ უახლესი ინფორმაციის გავრცელება იყო. სესიებს ცნობილი ექიმები და საზოგადოებრივი ჯანდაცვის ექსპერტები უძღვებოდნენ.