31, მაისი 2021 21:58:00
ციხისძირში მცხოვრები, მოხუცი ცოლ-ქმარი, რძალს და შვილს ძალადობაში ადანაშაულებს. ყვებიან, რომ ოჯახის წევრები ფიზიკურად, წლებია უსწორდებიან. მოხუცები ამბობენ, რომ რძალი ქონების მითვისებას ცდილობს და კონფლიქტიც ამით დაიწყო. როგორც ქონებრივ დავაზე, ისე ძალადობის ბრალდებით პოლიციას მიმართეს, თუმცა სასამართლო პროცესები ჯერ არ დაწყებულა. დახმარების მათ სალომე უსტალიშვილი იმყოფებოდა ადგილზე.
ოთხმოცდაათ წელს მიღწეული, ცოლ-ქმარი, შვილს და რძალს ძალადობაში ადანაშაულებს. მოხუცები ყვებიან, რომ მათზე ფიზიკურმა შეურაცხყოფამ, სისტემატური ხასიათი მიიღო. მოძალადე ოჯახის წევრებს კი, არავინ სჯის. ამბობენ, რომ სხეულზე დაზიანებები აღენიშნებათ. ხანდაზმულები მუდმივ შიშში ცხოვრობენ .
როგორც ყვებიან, ოჯახური კონფლიქტი წლების წინ დაიწყო. დავა ქონების გაყოფას მოჰყვა. ქობულეთში არსებული სახლი, ტარიელაძეების საკუთრებაშია. მეხბულე ტარიელაძე ირწმუნება, რომ შვილი და რძალი, ნაგებობის წართმევას გეგმავენ.
მოხუცები ამბობენ, რომ ოჯახის წევრები, მათ, ერთ ოთახში ცხოვრებას აიძულუბენ. სადაც არანაირი საყოფაცხოვრებო ტექნიკა არაა. ფაქტების ამსახველი კადრების გადაღების უფლება ბრალდების ადრესატებმა არ მოგვცეს და აგრესიით შეგვხვდნენ.
კამერის მიღმა, ბრალდების ადრესატი ცოლ-ქმარი, ჩვენს დარწმუნებას, სრულიად საპირისპიროში ცდილობდა. ამბობენ, რომ მოხუცებს ფსიქოლოგიური პრობლემები აქვთ და რასაც ჩვენთან ყვებიან ტყუილია.
საქმეზე, გამოძიება წლების წინ დაიწყო. მოხუცი ცოლ-ქმარის ადვოკატი ამბობს, რომ ძალადობის კვალის მიხედვით ექსპერტიზაც ჩატარდა. დასკვნაში კი, ცოტა უცნაური რამ წერია. რამაზ ჯორბენაძე ამბობს, რომ 88 წლის ქალის, მეხბულე ტარიელაძის შემთხვევაში, ექსპერტმა, დაზიანებების მიზეზად, ველოსიპეტიდან ვარდნა დაწერა.
დავინტერესდით რას აკეთებს, შინაგან საქმეთა სამინისტრო მოხუცების საქმეზე და რა ეტაპზეა გამოძიება? კითხვით პრესსამსახურს მივმართეთ, თუმცა ტრადიციულად პასუხი ვერ მივიღეთ.