03, ივნისი 2021 17:23:00
მაისში წლიურმა ინფლაციამ 7.7 პროცენტი შეადგინა. საქსტატის ინფორმაციით, გასულ თვეში სასურსათო პროდუქტებიდან ყველაზე მეტად – 42.7 პროცენტით, ზეთისა და ცხიმის ფასი გაიზარდა. 13.7 პროცენტით გაძვირდა ტკბილეული. ყავაზე, ჩაისა და კაკაოზე ფასებმა 7.6 პროცენტით მოიმატა, ხოლო ხორცსა და ხორცის პროდუქტებზე – 6.0 პროცენტით. პურისა და პურ-პროდუქტების ფასი კი, წლიურ ჭრილში 5.8 პროცენტით არის გაზრდილი.