03, ივნისი 2021 17:31:00
აჭარაში, „სოკარმა“, შესაძლოა გაზის ტარიფი გაზარდოს. ამის შესახებ, არასამთავრობო ორგანიზაცია, "სამოქალაქო მედიის" პროექტების ხელმძღვანელი აცხადებს. გენრი დოლიძე ირწმუნება, რომ კომპანია ფიქსირებული საფასურის ფარგლებში, შიდა ქსელის მონტაჟს ახდენს, რაც სემეკის მე-12 დადგენილებით, მომხმარებლის ხარჯს წარმოადგენს. გენრი დოლიძე, სემეკს და შემოსავლების სამსახურს, თემით დაინტერესებისკენ მოუწოდებს. სემეკში, განმარტეს, რომ "სოკარ ჯორჯია გაზს" საფასურის ზრდის შესახებ განცხადებით არ მიუმართავს. გაზის მიმზოდებელ კომპანიაში კი ამბობენ, რომ ტარიფი უკვე დადგენილია და ცვლილებები არ იგეგმება.