04, ივნისი 2021 17:29:00
ერთიანი ეროვნული გამოცდები პირველ ივლისს დაიწყება. პირველი სესია ქართულ ენასა და ლიტერატურაშია ჩანიშნული. მეორე კი, უცხოურ ენაში. 14 ივლისიდან გამოცდებში მასწავლებლები და მასწავლებლობის მსურველი პირები ჩაერთვებიან. 28 ივლისს სტუდენტთა საგრანტო კონკურსი ჩატარდება, ხოლო საერთო სამაგისტრო გამოცდას მაგისტრანტობის კანდიდატები 27-30 ივლისს ჩააბარებენ. წელს ერთიან ეროვნულ გამოცდებზე 38 ათასზე მეტი აბიტურიენტია რეგისტრირებული.