08, ივნისი 2021 21:40:00
ბოლო დღეების ყველაზე აქტუალური კითხვა: ვისი პროექტია გიორგი გახარია? „ოცნების“ გუნდიდან ჯერ კიდევ თებერვალში გასულ მთავრობის ყოფილ მეთაურს, გუშინ ოლიგარქი ღიად დაუპირისპირდა და თქვა, რომ გახარია გუნდის მოღალატეა. რა იყო ბიძინა ივანიშვილის პოლიტიკური გზავნილი? ვინ როგორ ხედავს ქვეყნის არაფორმალური მმართველის გზავნილების პოლიტიკურ ქვეტექსტს ან რა შანსები აქვს ახალი პარტიის ახალ თავმჯდომარეს წინასაარჩევნოდ? ხელისუფლების ოპონენტები ერთხმად ამტკიცებენ, რომ გახარია ოცნების ფრთაა და მმართველი ძალა მასზე თავდასხმით პოლიტიკური გეგმების დამალვას და თავის დაცვას ცდილობს.
ასე გიორგი გახარიას პოლიტიკურ მიმართულებაზე „ერთიან ნაციონალურ მოძრაობაში“ ხუმრობენ. ოპოზიციაში არ უკვირთ, რომ მმართველი გუნდის წევრები ხელს მათკენ იშვერენ. გიორგი კირთაძე ამტკიცებს, რომ მთავრობის ყოფილი მეთაური ივანიშვილის პოლიტიკურ დაკვეთას ასრულებს და „ოცნების“ გუნდის დატოვებით შორს არსად წასულა.
ივანიშვილის მიერ გავრცელებული განცხადება და მტკიცება, რომ გახარია მისი პროექტი არ არის, კითხვებს უჩენთ პარტია „ევროპულ საქართველოში“. თემურ კახიძე დარწმუნებულია, რომ ოლიგარქი თავდასხმის რეჟიმში თავის დაცვას ცდილობს და საზოგადოების შეცდომაში შეყვანა სურს. ყოფილი მეთაურის პოლიტიკურ შანსებს კი ასე აფასებს:
„ევროპული საქართველოს“ წარმომადგენლის ეჭვისგან დიდად არ განსხვავდება „ლელო საქართველოსთვის“ პოლიტიკური შეხედულებები. გენო თებიძე დარწმუნებულია, რომ გახარია „ოცნების“ფრთაა და მომავალშიც მის ინტერესებს გაატარებს.ხელისუფლების ოპონენტის თქმით,ყოფილი მეთაურის პოლიტიკურ შანსებს მისი პოლიტიკური ბეგრაუნდი ასუსტებს.
ვის ინტერესებს გაატარებს მთავრობის ყოფილი მეთაური? „სტრატეგია აღმაშენებელში“ პროგნოზირება უჭირთ, თუმცა ამბობენ, რომ მისი პოლიტიკური შანსი ბრძოლის მოგების ნოლის ტოლფასია
გვინდოდა მოგვესმინა მმართველი გუნდის პოზიცია გახარიას პოლიტიკურ შანსებზე. დღეს რეგიონის დონეზე „ქართული ოცნების“ არც ერთმა დეპუტატმა „მაცნესთან“ საკითხის შეფასება არ ისურვა.