09, ივნისი 2021 17:43:00
ოპოზიცია, ხელისუფლებას, ვაქცინაციის დაბალი ტემპით მიმდინარეობაზე პასუხისმგებლობას აკისრებს. „ერთიან ნაციონალურ მოძრაობაში“ აცხადებენ, რომ ეროვნული გეგმის ჩავარდნის ფონზე, ხელისუფლებას იმუნიზაციის პროცესის რეკლამირებაზეც კი, არ უზრუნია. ლევან ანთაძის თქმით, მიუხედავად იმისა, რომ პროცესის დაწყებიდან 85 დღე გავიდა, დღიური აცრების მაჩვენებელი ნორმაზე 7,5-ჯერ დაბალია. ხელისუფლების ოპონენტი ამბობს,რომ თუ პროცესი ამ ტემპით გაგრძელდება, პოპულაციური იმუნიტეტის გამომუშავებას, მინიმუმ, ოთხი წელი დასჭირდება.